Noreg digitalt og FDV-årsmøte Trøndelag 2025
Mars månad er vårt faste tidspunkt for å arrangera årsmøte for Noreg digitalt og Forvaltning, drift og vedlikehald (FDV). I år vart det to møte der me totalt samla i overkant av 60 deltakarar pluss god representasjon frå Kartverket.
På møta tek me også opp problemstillingar knytte til ulike fagtema. Samlingane blir derfor eit fint høve til dialog mellom Kartverket og våre samarbeidspartar både med tanke på få Noreg digitalt til å fungera best mogleg i regionen vår og til diskusjon rundt ulike fagspørsmål.
Problemstillingar knytte til etablering av innhald i Norsk register for Luftartshinder (NRL) vart teke opp både frå kommunane og nettselskapa.
Forslaget om å etablera moglegheit til eigenregistrering i eigedomsregisteret utløyste debatt både om nytteverdi og praktisk gjennomføring.
Nye krav til autorisasjon av eigedomslandsmålarar gir kommunar utan eigne kvalifiserte landsmålarar ekstra utfordringar i tenesteytinga si.
Kutt eller ekstraløyving?
Det første møtet vart halde same dag som budsjettkonferansen til regjeringa. Enorme ekstraløyvingar blir annonserte på nokon område, kvar blir eventuelle kutt tekne?
Forhåpentleg klarer me saman med våre samarbeidspartar regionalt å finansiera tilstrekkeleg aktivitet til halda oppe kvaliteten på viktige basis kartdatasett også i 2026 og vidare.
Ein godt gjennomarbeidd og forankra langtidsplan for kartleggingsprosjekt må på plass for å oppnå den grada av føreseielegheit som partane forventar.
Gruppearbeid med fokus på langtidsperspektiv
På begge møta gjennomførte me gruppearbeid der me utfordra deltakarane på å komma med innspel til korleis me skal gjennomføra kartleggingsaktiviteten dei kommande åra når rammevilkåra blir stramma til.
E-posten er sendt